الـــــــــــنـــــــــدم

الندم

لو أدري بيتك جنتي .... والله ما طبيته

ولو أدري بابك من ذهب ... ابدا فلا دكيته

بذات ما عندك وفه ... شمع الوفه طفيته

بيدك تمشطلي الشعر ... والخدي شكثر حبيته

تاليهه تنساني للأبد ... شنهو الذي سويته

وذكراي كلهه أنست ... حتى الرسم شكيته

بسك لا تعت بالكلب ... مو حتى الكلب أذيته

ما ريد حنيتك ولك ... وكلبك ولك عزيته

شفه على شفه من نمت ... ما تدري بالسويته

ماي وتبده على الرمل ... وك ليش ما لميته

مجروحه أني ولك ... وبيش الجرح داويته

اشخليت عندي بعد ... مو حتى العزيز أنطيته

باجر يسألوني الأهل ... هو الأجه لو أنتي رحتي البيته

باجر أقر وأعترف ... أني الذي اتعنيته

باجر أقر وأعترف ... أني الذي اتعنيته

شكراااااااااا على هذة الكلمات الجميله
تقبلي مروري

قصيدة حلوة عاشة ايدج ممكن تقبلين مروري على موضوعج

تسلمين مشاعر رائعه وقصيده تحمل افكار جميله