السلام عليكم ((جبتلكم ابو ذيات انشاءالله تعجبكم))
بدمع عيني اكتبتلك خاطر انه
والك مايوم كاسر خاطر انه
غير انته تجيني خاطرانه
اجيلك معتني زحوف على اديه
جمر دمعي عله خدودي ترى سال
كطعََّتّّّّ اخبارك حبيب تراسل
انه انسليت من هجرك ترى سل
وتون الروح وتريد المنيه
جنت انت المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليه
العقل بأمر الصديق ارجوك حكمة
وبدال النكتة خلي ايكون حكمة
اليغدر صاحبة مو مهم حكمة
المهم شلون نتلافة القضية
ثيابي من جمر نارك دولي
جرحتني ومااضن ينفع دولي
عليه شبيك متكبر دولي
صديق انته شنو بالنسبه اليه
بس انا زماني وياي خوان
خلاني وحيد بدون خوان
اعتمد على الصديق وطلع خوان
يحاول يسلب هدوم العليه
الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه
قسيت اوياك يسمر عمي أنا
أوعين الماتشوفك عمي أنا
إذا خالك فزع لك عمي أنا
تبرى أوضحك الوادم عليه
الرد
عايش اومختلي ابحالي وخالي
وشوف اهواي بعيوني وخالي
عمي دب علي جمره وخالي
جاب امهفته وهفه عليه
((((((((((مع تحياتي الى جميع الاعضاء))))))))))
بلد الاقامة
العمل
الهواية
الثلاثاء أغسطس 17, 2010 6:03 am
