باقة من امثال بلادي

باقة من امثال بلادي

من امثال النساء

ما ابهذلج يا روحي مامش زجل زين

يضرب : لامتناع المراة عن قبول زوج غير كفوء

ماريد بيت المال اريد مثقال اقبال

يضرب : لتفضيل الحظ على المال

ما اريد طشت الذهب واتكيه مرارتي بيه

يضرب : لعدم تقبل المظاهر البراقه وفيها المنغصات

ما اريد طشت الذهب ودموعي تتكاطر اريد خبز وبصل وبارد الخاطر

يضرب : كسابقه

ما اريد الولد بنتي غناتي تفلي شو يبتي وتغسل عباتي

يضرب : للحفاوه بالبنت

ما تصير روح اذا ما تطلع روح

او

ماتصير روح اذا ما تبلى روح

يضرب : لتاثير تربيه الطفل على صحه الام

من كثره عماها ما تعرف رجلها من حماها

يضرب : للمراة المغفله والغبيه (الثولة-01- )

ما عزبوهن الا جربوهن

يضرب : للمراة الناضجه تزوج في غير مدينتها

امثال (( ما ))

ما احب شغل العجله

يضرب لعدم الاهتمام

قصته مذكوره سابقا

ما احنا من رجال الليل

يضرب : لمن ينفي عنه الشجاعه والاقدام

ما اخاف غير ربي الخالقني

يصرب : للرد على من يخيفك ويهددك

ما خله للوراث باكه كراث

يضرب : لمن لا يترك لورثته شيئا مما يملك حتى ولو كان زهيدا

مادري زماني ضملي هل بليه

يضرب : لمن يصاب باذى غير متوقع

مادري وين حل الدهر بيه

يضرب : للمتحير ولا يعرف محل وجود شخص عزيز عليه

ما اكل من كدامه

يضرب : لمن لم يدار مصدر رزقه

ما اله بل بستان خلاله

يضرب : لمن لا يمتلك شيئا

ما انتفخ الا انبزل وما انصب الا الغزل وما صعد الا نزل

يضرب : لعدم الاغترار بمنصب او مال

ما انكس من المحلول الى المربوط
يضرب : لمن يوخذ بجرم غيره

ما بدار علي خان غير المسحه والحصان

يضرب : لشده الفقر

ما بخيل الا بخيل الجاه

اصوله : قال ابو تمام

واذا امرؤ اسدى اليك صيعه من جاهه فكأنها من ماله

يضرب : لاثاره نخوه صاحب الجاه

مابعد الكفر الا الضلال

يضرب : للخطيئه التي تفوت كل الخطايا

مابيها قنزه ونزه

تضرب : لامر ابد من نفاذه

ما تجي المصايب الا من عند الحبايب

يضرب : للاذى يقع من الاقارب

ما تعرف خيري اذا متجرب غيري

اصوله : قال ابن فارس :

عتبت عليه حين ساء صنيعه واليت لا امسيت طوع يديه

فلما خبرت الناس خبر مجرب ولم ار خيرا منه عدت اليه

وقال اخر

ستذكرني اذا جربت غيري وتحمد كل امر كان مني

يضرب : لعدم الشرع في الحكم

شكككككككككككككرااااااااااااا

حلوووووووو عاشت ايدج

» امثال تحشيشيه ودير بالك لتموت من الضحك
» امثال واقوآل في المرأه
» امثال عراقيه شعبيه
» امثال لبعض دول العالم
» امثال عراقين اتذكرنه بالعراق