قصيدة حب رائعة وحدة ماتزوجت الي تحبة

بسم الله الرحمن الرحيم
___________________
اجة التابوت يم الباب كلش وصل يم الباب وخشابه وراه وصفكة مال اجناب
نزل منة الكتلني الشكله شكل اغراب لابس بدله بيضه محني جفه بدم من جرحي البقه كل العمر ماطاب
الهلاهل جابته وبكلبي تلهب نار وحبيبي كليبي ابدمايدري بيه شصار
ذنب امي وابوي برخص باعوني عافوني بديه وباسوا الدينار
اجاني وكعد يمي وسالن دموعي وبجيت من البجي بجيت سابع جار
لااكدر اكله اني ماحبك واحتاريت والله يساعد امحتار
تعالن ياحبايب ساعدني على جرحي الحملته ساعدني وي ساعت الموت تساعدني
تخيلته حبيبي وجايني للبيت عبالك بالحلم ومن الحلم فزيت
شو لاذاك حبيبي ولانفس طوله ولاذيجه ضحكته بروحي مشتوله
كولوله يجيني بساع كولوله
كولوله بغيابه الروح مسلوله
مثل نخله اجوني وكصوا الجمار بعد مافيد ارهم بس حطب للنار
صعدنه ثنينه بسيارت الزفه واذراعه على ذرعاني ملتفه
احس حيه عليه التفت بلحضات واسمع صوت ينده مات ولفج مات
كتله انتظر لحظه خل اودع اهلي انتظرني ولن حبيب الكلب عدة وفات
لابس كلة اسود والدمع بالعين طاح كبال عيني وشالته الطيبين
لاتمشين صاح بصوت لاتمشين انه من دمع عيني غركت نهرين
لاتمشين صاح بصوت لاتمشين تدرين بعذابي وحسرتي تدرين
لاتمشين صاح بصوت لاتمشين جفج شال حنه وجفي شايل طين
لاتمشين صاح بصوت لاتمشين سلمتج ركبتي وبيدج السجين
والزفه تدك بالم فركاها جبناها واجت ويانه جبناها واجت حزنانا.

(مع تحياتي الى اعضاء المنتدى)

عاشت ايدك
روعة القصيدة
تحياتي

شكراا حبي فلور على ردك الجميل