اصبحت الجنسيه العراقيه مطلوبه

قامت بعض الدول الاوربية بفتح باب اللجوء واستقبال عدد ليس بالقليل من العراقيين مما دفع بعض اخوانه العرب بقصد هذه الدول بعد ان قاموا بتزوير مستمسكات ووثائق عراقية مستفيدين من مبدأ الديمقراطية الذي يتيح للشخص الحصول على اي وثيقة حتى لو كانت شهادة وفاة (يا ستار) وطلب اللجوء عند هذه الدول بحجة انهم عراقيين ... يعني ولاول مرة في التاريخ وبعد مضي 35 سنة اصبحت الجنسية العراقية مطلوبة ...

الا ان دوائر الهجرة لدى الدول الاوربية انتبهت الى هذا الموضوع لذلك ولكي تميز العراقي عن العربي
قامت بوضع اختبار تطلب فيه من طالب اللجوء ان يقوم بترجمة الجملة التالية :

فد هتلي جهره سز مشنبخ على تيغة البيتونة ديباوع على الفخاتي المكنبصات براس الدربونة اجتّه كفخه على علباته خلته يتصركع وكام يدردم " سليمة تكرفني على هل الدكه الكشرة" وكمز مثل العتوي خش جوّه علمود لا يجي راشدي او عجل على علباتة او جلاق يفتك بنطرونه الجارلس .
اما المصلاوي,فلهو مقطع خاص,وهو,
! يول دادا سيم بالك علبسطة مالتي علما اغووح لهنوك اتزهب شوية ميوا للبيت,كوي اكو عجايا بياجا من هذولي لمفلتين بسقاقات يجون كل مرة من هذي الدحدغوني,ويبوقولم برجة تمغايي ,ياكيكايي,البيحة امسكتو ويحد منم غيضغب عب بغاس العوجي,وسفقتونو بصطغة طيغتو عقلو,وانهزم مني,,بس قبل برجة غشعتونو عيفتل هنوك,واخاف عملني دشمانو,ويغيد يبوقني الليي بقى.
ولكون ماكو شخص على الكرة الارضية ممكن ان يفهم هذا المقطع ا غير العراقيين انفسهم فقد فشل الكثيرين من طالبي اللجوء في هذا الامتحان الصعب واستطاعت دائرة الهجرة ان تميز العراقي عن غيره فالف الحمد لله والشكر ، الى هسه العراقي متميز
منقول

تحياتي لكم

ههههههههههههههههههههههههه
صدك محد يدبرهة الا عراقي ابو الخط والفسفورة
عاشت ايدك
ينقل الى قسم التحشيش

ههههههههههههه كلش حلوه عاشت ايدك

» الهجه العراقيه
» هاي حكومتنه العراقيه الجديده
» اللهجه العراقيه احلى لهجه (شارك معنا)
» برنامج فلم هندي الاغنيه العراقيه والاغنيه الهنديه الاصليه (( ادخلووو ))