مـــــــــــــــــاذا عن السويد !!!

ماذا عن الســــــــــويد... شارك ارجوك بمعلومة
مرحبا للكل

سؤال لكل عضو عراقي بالسويد ... اذا عندك معلومة لا تبخل على اختك

ماذا تعرفون على الاقامات الان ..هم ينطون اقامة اذا واحد يجي هسه للسويد ويطلب لجوء

وعندي قضية قوية..؟؟؟؟ ارجوكم الي يعرف احد اخذ اقامة بهل الفتره او يعرف معلومة اي

اي معلومة تخص هذا الموضوع خل يكتبها

علما طبعا اني اسكن السويد بس ما اعرف شي عن هذا الموضوع.... اخوية بالعراق

يريد يجي لجوء للهنا ويسألني عن هذا الموضوع وعود على اساس اخته عايش بأرض الحدث

واي شي ما اعرف.... اقره بموقع المكرخونفيركت ماكو شي يفيد .......


انتظركم اخوان

انتظركم

ولا جواب!!!!!!


مساعده ارجوكم بمعلومه بقصة

بسم الله الرحمن الرحيم

رمضان كريم عليكم وعلى كل العراقيين
اول شي اعتذر عن التاخير
بس رمضان وصيام وتدرين الوقت هنا طويل يعني مانلحك ناكل وراسا يصير السحور هههههههههههههههه

اختي العزيزة بالنسبة للسويد واذا انتي مثل ما تكولين عايشة هنا ف اكيد تعرفين وضع الاجئين
خصوصا بالوقت الحالي والسنوات الماضية (اخر 3 او 4 سنوات)
طبعا نادرا ما سمعنة تطلع اقامة شخص وبشكل عام الوضع كلش تعبان يعني ماكو كيس او قضية معينة تؤخذ بعين الاعتبار يعني السالفة صايرة سالفة حض وبس
وطبعا العيب مو بس بدائرة الهجرة وانما العيب بحكوماتنة التعبانة الي لاحكتهم لحد هنا
علساس يعني الوضع بالعراق مستقر والحياة عادية ويكدر اي طالب لجوء ان يرجع ويبدي حياتة من جديد هذا حسب تداعيات الحكومات مالتنة ومع الاسف الهجرة تصدك بهذا الحجي وعلة اثرها صار الترجيع قسري على العراقيين وكل المرفوضة طلباتهم
اختي العزيزة القرار بقى عندج واختارو يجرب حضة وممكن يحصل وممكن لا مع تمنياتنا لكل العراقيين بالحصول على حق اللجوء
وبالنسبة للقضية خلي يحاول انه يجيب ويا اكبر عدد ممكن من الادلة والبارهين القوية يعني مو مجرد كلام وبس وعلى كولة ابو المثل الكذب المصفط احسن من الصدك المخربط وهذا الكلام طبعا ينطبق على دائرة الهجرة لانه من الصعب اقناعهم بسهولة
واي استفسار اني حاضر
تحياتي

السلام عليكم
رمضان كريم
اختي العزيزة
بالنسبة الية اني صاحب تجربة
وصارلي اربع سنوات هنا
ويومية راكضين وراي يردون يرجعوني
وكل ما اقدم دليل جديد يعيدولي نفس الاسطوانة والي هية انه الوضع صار زين والتهديد عليك انتهى
ولكل نفس الحجي وياما ناس كانت قضاياها كلش قوية واخذو رفوضات وناس قضاياهم جدا بسيطة واخذو اقامة فالسالفة تايهه محد يعرف شلون يشتغلون وهسة كلش متشددين والله يا اختي ما نعرف شنكولج يعني القرار يبقى عدكم وانتو وحضكم والله يسهل علة الجميع وبالنسبة للقضية مثل ما تفضل الاخ صاحب الموقع خلي يجيب ويا شكد ما يكدر من الاوراق الثبوتية
طبعا ما يردون حجي همة يردون براهين واوراق ومستندات وصور وكلشي ولازم الكيس مالتة يكون قوي جدا جدا وبالنسبة لحالات الرفض موجودة رفض اول وثاني وبعدها ثالث وتسفير
ويبقة اقامة عمل اذا تكدرين تدبريلة شغل ابيض بعقد عمل يكدر يجي من خلالة وياخذ اقامة سنوية وتجدد لحد ما ياخذ دائميا لانه اكثر الناس هسة دا تجي على سالفة العمل لانه الكل ايست من الاقامة والجوء
واي شي احنا حاضرين

وعليكم السلام
رمضان كريم علينا وعليج وان شاء الله صحه وسلامه
واتصور هسه بدو ينطون اقايم بالجديد بس للهذوله الصارهم هنا من زمان مثل 3 سنين او 4 بس ما اتصور اذا اخوج اجا وراح يحصل بسهوله بس الله يقدم البي الخير