هل انت مع ام ضد العودة الى العراق(نقاش وتبادل وجهات نظر)

شلونكم حبايبي
موضوعي اليوم نقاش وتبادل معلومات ووجهات النضر
هل انت مع ام ضد العودة للعراق
بالنسبة للناس المقيمة خارج العراق او حتا لم تكون مقيمة و تعيش خارج العراق
هل تفضل العودة للعراق لماذا ؟
هل تريد زيارة العراق ؟ولماذا؟
وحتا من كان خارج العراق وعاد للبلد فماذا ينصحنا وياريت يكلمنا عن الوضع بشكل عام
وهل من شخص عاش خارج العراق وندم بعد العودة له ؟ولماذا؟
هل المعاناة خارج البلد اهون او داخله اهون
ما هوة رئيك وبشكل عام
ارجو من كل شخص اعطاء وجهة نضره وتجربته اذا كانت لديه تجربة

ارجو من كل صاحب مشكلة او حدث يخص هذا النقاش ان يطرحه لنا لنتعض من بعضنا البعض
ارجو من كل شخص ابداء نصيحته لنا
فهناك من اتخذ قرار العودة
وهناك من لم يتخذ القرار ولكنه عاد قسرا
وهناك من لم يكن لديه اي خيار
وهناك من يملك الخيار وقرر العودة من تلقاء نفسة
وهكذا
افتح ساحة الحوار لكل الاعضاء
وياريت كل عضو يقول ما في قلبه وياريت نستفاد من تجارب بعضنة ووجهات النضر المتبادلة
تحياتي لكم

هلاو فلور شلونك اخبارك شو الموضوع اليوم يتكلم عن العوده شنو شناوي [ندعوك للتسجيل في المنتدى أو التعريف بنفسك لمعاينة هذه الصورة] ؟؟

بما انه اني اول وحده دخلت للموضوع راح ابدي رايي بالموضوع اني بالنسبه الي افضل العوده للعراق بس بحالات يعني اذا الواحد كل اقاربه واهله بالعراق وهوه الوحيد متبهذل بالغربه اني افضل يرجع بس الي ماله احد هناك وين يرجع هيه هنا عيشه وهناك عيشه بس الي يفرق اكو امان هنا على الاقل الواحد ينام وراسه بارد ومرتاح رغم كلشي على الاقل ماينام قلق منو اليوم راح يفوت على بيته واليوم وين الانفجار راح يصير اني اتمنى ارجع للعراق بس مو هذا العراق الحالي الي مليئه بالخراب والحزن اتمنى يرجع العراق مثل قبل وواحد شريف بي خير يحكمه يخاف على شعبه ويريد مصلحته مو ناس طايح حظها ماعدها غير النهب والسرق وبس والله العراق مينراد بعد بس اني اذا جانو اهلي هناك لا غصبن ماعني ارجع لان مهما يكون الواحد ناسه واصدقائه وبالنسبه لقرار زيارة العراق كلش مقتنعه بي احب ازرها بس مااحب اعيش بيها ...

هذا رايي واتمنى اكون شويه اعطيت فكره ولو بسيطه عن العراق الي جنه نحلم نرجعله وعن العراق الحالي

اتمنى محد منكم يتخذ قرار الرجعه الا اذا جان متاكد منه لان العراق بعد مينراد وحتى ميندم لان بعد شيفيد الندم [ندعوك للتسجيل في المنتدى أو التعريف بنفسك لمعاينة هذه الصورة] ...

تحــــــــــــــياتي وتقديري

شكرا ملوكة على وحهة نضرج والي هية من وجهة نضري ايضا
طبعا الكل يعرف الوضع اشلون صاير بالعراق
بس اكو ناس انغصبت على الرجعة لعدة اسباب
واكو واكو واكو واكو
شكرا على ردج اللطيف وننتضر المزيد من الردود والتجارب لنستفيد منها
تحياتي

هـلاآ فلــور ,,
والله آنـي بالـنسـبه الي اشوف انه البقـآء بالعرآق أحسـن
على الاقل يمـ أهـلي وبالنـسـبه للظـروف فمدآم أنـي الي أختآريـت أنه أعيش بهيجي ظرفـ فأتحمـل
اكو هوآيـه شغـلآآت خسـرتهه بالعـرآق مثلـ تفوـقي بدرآستـي يعني اني هسه هم زينه بالدرآسه بس اللغه هي الي تعيـق .. وخسـرت جيـرآنه .. اشخـآص عزيـزين عليـه .. يعني .. أكو هوآيـه شغـلآآت تسويلـي دآفع أنـه أرجع للعـرآق
بس أكيـد الأشياء الي خسـرتهه تبـقى ذكـرآهـآ بقلـبي
بس بالنسبـه لأشخآص بالنسبه الهم يشوفون المـوت بعيـونهم أذآ رجعوـآ للعرآق وطبعـاً أكيـد كـل وآحد وآسـبآبه .. وخآصـه أنه هسـه صآر العـرآق حآلته الأمنيـه والخدميـه صعـبه.. وأكـو الي ظروفهمـ تجـبرهم يرجعون للعـرآق .. بس اآني اشوف حآليـاً الي خسـر وظيـفته بيته أشيائه او شغـلاآت ثآنيـه لآزم ميكون على أمـل انه ترجعلـه اذآ قرر العـودة للعـرآق ..
تحيـآتي لكــ على موضوعكـ الرآئــع ,,

طبعا العراق جدا رائع مهما كانت الضروف...........بس اللي اختار البقاء خارج العراق عليه ان يتحمل ويصبر وان شاء الله ايصير بيهه فرج
لان ماكو شي يبقى على حاله

» اسئلة في غاية الغباء واجوبتها في غاية الذكاء
» تقرير عن العودة القسرية للاجئين العراقين في اوروبا
» اللاجئون العراقيون أصبحوا ضحية الصفقات السرية بين حكومات أوروبية والحكومة العراقية لإرغامهم على العودة..!
» من قلب العراق
» مرشحي رئاسه العراق